Samesugas arrasaron onte na Sala Capitol de Compostela.

Samesugas ofreceron onte un concertazo na Sala Capitol digno de ver e escoitar. Foi a presentación oficial do seu novo Discazo "White Fire". E así o fixeron! Incendiaron o escenario da Capitol a máis non poder.

Cun repertorio cheo de temas propios, repasaron todo o novo disco, recuperaron clasicazos dos seus anteriores traballos e revisaron temas clásicos (covers) do Punk Rock, que quen lle dera a moitas bandas de todo o planeta. Se os viras tocar en Seattle ou na República Checa, non saberías dicir de onde son. Sen dúbida, son actualmente a mellor banda de Galicia.

O vigués Paulo Pascual fixo que o seu theremin puxera un toque especial aos seus temas (colaborou en varios temas do directo) e a mestura foi brutal. Como fin de festa, tocaron un cover moi especial, que sei que a Joaquín lle encanta e por un momento abandoou a súa guitarra e cantou con todo o seu ímpetu, coma se non existira un mañá.

Sen dúbida, un concerto espectacular que deixou ao público coa boquiña aberta e con ganas de máis. Unha noite redonda de Rock & Roll, na que compartiron escenario cos Bule e Paulo Pascual, que tamén soaron estupendamente. Graciñas Mil por facérnolo pasar tan ben.

Samesugas Forever!!!

Fotos: Novo.