Mega Purple Sex Toy Kit, regresan para un concerto único nos Estudios Potemkin.

O sábado 30 de novembro, Mega Purple Sex Toy Kit ofrecerán unha enérxica noite de hard psiquedelia nos Estudios Potemkin de Santiago de Compostela. É unha oportunidade única para ver ó grupo, xa que nos últimos tempos reapareceron para dar UN SÓ RECITAL Ó ANO. A última ocasión foi no Festival O Grove Rocks de San Vicente do Mar en 2023, onde pulverizaron o aforo do evento.

Presentaranse coa formación de: Marcos Santomé (baixo), Uxío Solla (guitarra), Fernando Vilaboy (órgano), Alfonso Espiño (voz) e Emilio Prieto (batería), a mesma coa que debutaron en directo hai máis de dúas décadas. Ademais de un par de novas cancións, soarán os temas clásicos de Mega Purple, que podedes escoitar no elepé Good Vibrators (Roctopus Records, 2018). Terán dispoñibles para a venda en Potemkin as derradeiras copias do disco, así coma outros artigos de merchandising da banda.

Xa podedes adquirir as entradas por 10€ en A Reixa Tenda, Atomic e no Rock Café O Cum.

Escoita Good Vibrators facendo clic na portada do L.P.

Mega Purple Sex Toy Kit.

Sábado, 30|11|2024 ás 21h00.

Estudios Potemkin [Rúa da Cidade do Transporte C, 28. 15890 - Santiago de Compostela].